話說同男友都係觀塘區返工，突然想食泰國野又唔想走到去九龍城，於是搵下公司附近有冇泰國野食，就俾我發現到LEMON GRASS！見佢評價唔錯，一收工就衝去拎位先！
點知原來6點鬆D，唔洗等位可以即入，好正！
先黎小食: 泰式雞翼(HK$48)
外皮酥脆又冇OVERCOOK，雞肉仲KEEP到鮮嫩多汁，點埋個泰式辣醬好香口～都唔算油，整體不錯！
男友表示: 比起老麥雞翼好食太多了～～～～XDDDDDD
然後就係生菜包(HK$89)，喂！食泰國野唔係唔食生菜包呀？
有D泰國餐廳花好多心思喺其他菜式，但偏偏個生菜包會整得好HEA。
生菜包對我黎講就好似泰國餐廳嘅靈魂，如果整得唔好，基本上我係唔會再幫襯。
驚喜位！LEMON GRASS嘅生菜包係我近年食過，食得最滋味嘅！
味道微酸辣好開胃，而且炒得好香，肉碎就算唔包菜食，送飯一流！！
貼心位！佢果晚OFFER我有大約10塊生菜，全部大塊，岩岩好夠包哂所有肉碎。
之後係我同男友票選是夜最愛菜式，泰式生蠔(HK$148)。
生蠔不外乎加檸檬汁/茄汁，點菜時好好奇「泰式」生蠔係咩一回事～～
上菜時見佢係一SHOTSHOT咁，逐杯啪入口都幾過癮！
而且配搭嘅係辣汁，有別一般我地食生蠔嘅味道，而且出乎意料地個辣汁冇蓋過生蠔嘅鮮味～超好味呢！
再黎個重頭戲！見佢個鹽燒烏頭(HK$128)好似好靚咁，忍唔住地叫左XD
喺魚身入邊有好多香茅同其他泰式香料，味道好香濃，即使唔點汁都好夠味！
魚皮都早處理好左，輕輕一翻已原塊翻開。而且魚肉好鮮嫩，一D都唔會鞋。
醬汁係酸酸辣辣，十分開胃！淨係呢條魚都夠我地扒哂碗飯XD
總體黎講，LEMON GRASS係間高性價比嘅泰國餐廳。
價錢未必係最平，不過論質素，佢值得呢個價！
餐廳資料
LEMON GRASS THAI & BBQ
34893339
*是次試食由LEMON GRASS THAI＆BBQ提供。
喜歡我的分享記得FOLLOW我喔❤
MisssYetta 椰撻小姐
Blogger | Host | Web Editor
歡迎合作/活動邀請 | 聯絡電郵:misssyetta@gmail.com
沒有留言:
張貼留言